I Certame Coral Galego
- fecogasocial
- 18 jul
- 1 Min. de lectura
Estimadas corais federadas,
Temos o pracer de anunciar a convocatoria do I Certame Coral Galego, organizado pola Federación Coral Galega (FECOGA).
Este certame nace co obxectivo de fomentar e estimular a actividade coral en Galicia, promovendo a excelencia artística, o intercambio de experiencias e a interpretación de música de autores galegos. Convidámosvos a ser parte desta primeira edición histórica, que se celebrará nun marco incomparable como é o Auditorio Fontán da Cidade da Cultura de Galicia, en Santiago de Compostela.
As datas establecidas son o venres, 31 de outubro de 2025 (tarde) para a Sección Segunda (Corais Infantís e Xuvenís), e o sábado, 1 de novembro de 2025 (tarde) para a Sección Primeira (Corais de Adultos).
As bases completas do certame adxúntanse a este correo.
Para formalizar a vosa inscrición, debedes cubrir o formulario de inscrición, cuxo enlace atoparedes tamén nas bases. Agardamos contar coa vosa participación para facer deste evento un éxito memorable e unha celebración do canto coral galego.
Un cordial saúdo,
Federación Coral Galega
660 776 473
Bases:
Comentarios